ਪੋਰਟੇਬਲ ਲੌਂਗ ਸਰਵਿਸ ਬੈਨੀਫ਼ਿਟਸ ਸਕੀਮ ਵਾਸਤੇ ਤੁਹਾਡੀ ਵਰਕਰ ਆਈ ਡੀ ਹੀ ਤੁਹਾਡੀ ਵਿਲੱਖਣ ਆਈ ਡੀ ਹੈ।
ਜੇ ਤੁਸੀਂ ਨੌਕਰੀ ਬਦਲਦੇ ਹੋ, ਤਾਂ ਆਪਣੇ ਨਵੇਂ ਰੁਜ਼ਗਾਰਦਾਤੇ ਨੂੰ ਆਪਣੀ ਵਰਕਰ ਆਈ ਡੀ ਦੇ ਦਿਓ, ਅਤੇ ਉਹ ਤੁਹਾਨੂੰ ਆਪਣੀ ਤਿਮਾਹੀ ਵਾਲੀਆਂ ਰਿਟਰਨਾਂ ਵਿੱਚ ਸ਼ਾਮਲ ਕਰਨਾ ਸ਼ੁਰੂ ਕਰ ਦੇਣਗੇ।
ਵਰਕਰ ਪੋਰਟਲ ਲਈ ਰਜਿਸਟਰ ਕਰਨ ਲਈ, ਤੁਹਾਨੂੰ ਆਪਣੀ ਵਰਕਰ ਆਈ ਡੀ ਦੀ ਵੀ ਲੋੜ ਪਵੇਗੀ। ਜਦੋਂ ਤੁਸੀਂ ਰਜਿਸਟਰ ਹੋ ਜਾਂਦੇ ਹੋ, ਤਾਂ ਤੁਸੀਂ ਆਪਣੇ ਰੁਜ਼ਗਾਰਦਾਤੇ ਦੇ ਯੋਗਦਾਨ, ਸਕੀਮ ਦੇ ਅਧੀਨ ਮੌਜੂਦਾ ਜਮ੍ਹਾਂ ਰਕਮ ਦਾ ਪਤਾ ਰੱਖਣ ਅਤੇ ਆਪਣੀ ਸੰਪਰਕ ਜਾਣਕਾਰੀ ਨੂੰ ਨਵਿਆਉਣ ਲਈ ਪੋਰਟਲ ਵਿੱਚ ਲੌਗ-ਇਨ ਕਰ ਸਕਦੇ ਹੋ।
ਆਪਣੀ ਵਰਕਰ ਆਈ ਡੀ ਨੂੰ ਕਿਵੇਂ ਲੱਭਣਾ ਹੈ
ਜਦੋਂ ਤੁਹਾਡੇ ਰੁਜ਼ਗਾਰਦਾਤੇ ਨੇ ਤੁਹਾਨੂੰ ਪੋਰਟੇਬਲ ਲੌਂਗ ਸਰਵਿਸ ਅਥਾਰਟੀ ਕੋਲ ਰਜਿਸਟਰ ਕਰਵਾ ਦਿੱਤਾ ਹੈ, ਤਾਂ ਤੁਹਾਨੂੰ ਸਾਡੇ ਵੱਲੋਂ ਇੱਕ ਚਿੱਠੀ ਜਾਂ ਈਮੇਲ ਮਿਲੇਗੀ, ਜਿਸ ਵਿੱਚ ਤੁਹਾਡੀ ਵਰਕਰ ਆਈ ਡੀ ਸ਼ਾਮਲ ਹੋਵੇਗੀ।
ਜੇ ਤੁਹਾਨੂੰ ਆਪਣੀ ਵਰਕਰ ਆਈ ਡੀ ਨਹੀਂ ਮਿਲੀ ਹੈ, ਜਾਂ ਤੁਹਾਨੂੰ ਪੱਕਾ ਪਤਾ ਨਹੀਂ ਹੈ ਕਿ ਕੀ ਤੁਹਾਨੂੰ ਰਜਿਸਟਰ ਕੀਤਾ ਗਿਆ ਹੈ, ਤਾਂ ਇਹ ਜਾਂਚ ਕਰਨ ਲਈ ਆਪਣੇ ਰੁਜ਼ਗਾਰਦਾਤੇ ਨਾਲ ਸੰਪਰਕ ਕਰੋ ਕਿ ਉਨ੍ਹਾਂ ਨੇ ਤੁਹਾਨੂੰ ਰਜਿਸਟਰ ਕਰ ਦਿੱਤਾ ਹੈ।
ਗੁੰਮ ਹੋਈ ਵਰਕਰ ਆਈ ਡੀ
ਤੁਹਾਡਾ ਰੁਜ਼ਗਾਰਦਾਤਾ ਤੁਹਾਡੀ ਵਰਕਰ ਆਈ ਡੀ ਪ੍ਰਦਾਨ ਕਰਵਾਉਣ ਦੇ ਯੋਗ ਹੋਣਾ ਚਾਹੀਦਾ ਹੈ।
ਜੇ ਤੁਸੀਂ ਆਪਣੇ ਰੁਜ਼ਗਾਰਦਾਤੇ ਨਾਲ ਸੰਪਰਕ ਨਹੀਂ ਕਰ ਸਕਦੇ ਹੋ, ਤਾਂ ਤੁਸੀਂ 1800 517 158 'ਤੇ ਫ਼ੋਨ ਕਰਕੇ ਜਾਂ enquiries@plsa.vic.gov.au ਨੂੰ ਈਮੇਲ ਕਰਕੇ ਸਾਡੇ ਨਾਲ ਸੰਪਰਕ ਕਰ ਸਕਦੇ ਹੋ।
ਹੋਰ ਜਾਣਕਾਰੀ
ਵਰਕਰ ਪੋਰਟਲ ਤੱਕ ਪਹੁੰਚ ਕਰਨਾ (Accessing the worker portal) - ਪੰਜਾਬੀ (Punjabi)
ਵਰਕਰ ਪੋਰਟਲ 'ਤੇ ਆਪਣੀ ਜਾਣਕਾਰੀ ਤੱਕ ਪਹੁੰਚ ਕਿਵੇਂ ਕਰਨੀ ਹੈ।
ਪੋਰਟੇਬਲ ਲੌਂਗ ਸਰਵਿਸ ਬੈਨੀਫ਼ਿਟਸ ਸਕੀਮ ਕਿਵੇਂ ਕੰਮ ਕਰਦੀ ਹੈ (How does portable long service leave work?) - ਪੰਜਾਬੀ (Punjabi)
ਪਤਾ ਕਰੋ ਕਿ ਇਹ ਸਕੀਮ ਕਮਿਊਨਿਟੀ ਸਰਵਿਸਜ਼, ਠੇਕੇ ‘ਤੇ ਸਫ਼ਾਈ ਅਤੇ ਸੁਰੱਖਿਆ ਉਦਯੋਗ ਅਧੀਨ ਆਉਂਦੇ ਕਰਮਚਾਰੀਆਂ ਲਈ ਕਿਵੇਂ ਕੰਮ ਕਰਦੀ ਹੈ।
Updated
